ТИЗЗА БЎҒИМИНИ ЭНДОПРОТЕЗЛАШ АМАЛИЁТИДАН КЕЙИНГИ ПЕРИПРОТЕЗ ИНФЕКЦИОН ЯЛЛИҒЛАНИШДА ЛАБОРАТОР ТАҲЛИЛЛАР

Résumé fourni par la source

Резюме. Тадқиқот мақсади. Тизза бўғими эндопротезлашдан кейин ривожланган перипротез инфекцион яллиғланишнинг турли оғирлик даражаларида қондаги лейкоцитлар, нейтрофиллар, ЭЧТ, С-реактив оқсил ва прокальцитонин кўрсаткичларининг ўзгаришини ўрганиш ҳамда уларнинг диагностик аҳамиятини баҳолаш. Материал ва усуллар. Тадқиқотда тизза бўғими эндопротез-лашдан кейин перипротез инфекцион яллиғланиш кузатилган беморлар клиник ва лаборатор текширувдан ўтказилди. Инфекцион жараённинг турли оғирлик даражалари бўйича қиёсий таҳлил амалга оширилди. Қонда лейкоцитлар миқдори, нейтрофиллар улуши, ЭЧТ, С-реактив оқсил ва прокальцитонин миқдори аниқланди. Шунингдек, синовиал суюқликдаги лейкоцитлар ва нейтрофиллар кўрсаткичлари баҳоланди. Натижалар. Таҳлил натижалари перипротез инфекцион яллиғланишнинг оғирлик даражаси ортиши билан яллиғланишга хос лаборатор кўрсаткичларнинг юқорилаб боришини кўрсатди. Нейтрофиллар улуши енгил даражада 72,7±5,9–74,5±6,2% дан оғир даражада 88,6±6,4–89,1±6,2% гача ошди. ЭЧТ кўрсаткичи ҳам касаллик оғирлашиши билан ортиб, оғир даражали ҳолатларда 75,2±17,6–76,2±17,7 мм/соатни ташкил этди. С-реактив оқсил миқдори енгил даражада 34,9±14,9–35,2±15,4 мг/л бўлган бўлса, оғир даражада 142,3±45,3–159,4±47,9 мг/л гача ошди. Прокальцитонин миқдори эса асосий гуруҳда енгил даражада 0,29±0,12 нг/мл, ўрта оғир даражада 0,88±0,37 нг/мл ва оғир даражада 2,12±0,88 нг/мл ни ташкил қилди. Хулоса. Лейкоцитоз, нейтрофиллёз, ЭЧТ, С-реактив оқсил ва прокальцитонин кўрсаткичларининг перипротез инфекцион яллиғланиш оғирлик даражасига қараб ўзгариши ушбу лаборатор мезонларни инфекцион жараён фаоллигини комплекс баҳолашда қўллаш имконини беради. Айниқса, прокальцитонин ва С-реактив оқсил миқдорларининг ошиши оғир инфекцион жараённи аниқлашда қўшимча диагностик аҳамият касб этади. Калит сўзлар: тизза бўғими, перипротез инфекция, инфекцион яллиғланиш, лаборатор диагностика.

Ce résumé expose les affirmations des auteurs. BNTIC ne l’interprète pas comme une validation indépendante des résultats.